AQŞ "Açık kük yöze kileşüe"nnän çıqtı
Bu xaqtağı qararnı Donal’d Tramp idaräse mayda uq çığarğan ide
Amerika Quşma Ştatları idaräse Rusiyä belän qoral kontrolen tärtipkä saluçı “Açık kük yöze kileşüe”nnän kiçä çıqtı. Bu xaqta AQŞ däwlät departamentı wäkile urınbasarı Keyl Braun yazmaça belderde. Anda Donal’d Tramp idaräseneñ 2020nçe yılnıñ 22nçe mayında çığarğan qararı xäterlätelä.
“Qararnıñ ğamälgä kerüe öçen kiräkle 6 aylıq waqıt tuluğa AQŞnıñ “Açıq kük yöze kileşüe”nnän çığu prośessı 2020nçe yılnıñ 22nçe noyabrennän tormışqa aşa başladı. AQŞ monnan soñ bu kileşüdä qatnaşmıy,”-diyelä anda.
Rusiyä häm AQŞ xärbi ğamällärdä açıqlıqnı täêmin itü, qoral kontrole häm başqa kileşülärne küzätüne ciñeläytü maqsatı belän tikşerü oçışlarına röxsät birüçe “Açıq kük yöze kileşüe”en imzalağan 34 däwlät arasında urın ala.
Awrupa iminlek häm xezmättäşlek oyışması geografiyäsendä iminlek häm qurqınıçsızlıq arttıruçı çara bularaq kürelgän häm 1992nçe yılda imza öçen açılğan kileşüdä Törkiyä dä bar.
Bäyläneşle xäbärlär
Qurqınıç yul hälakäte
Kamerunda yulçı avtobusı belän yök maşinası bäreleşü qotoçqıç näticälärgä kiterde
