"Moñarçı kürelmägän vakśinalaştıru kampaniyäse bulaçaq"

Dön’yada koronavirustan ülüçelär sanı 1 million 386 meñ 720dän arttı. Älege çirne yoqtıruçılar 58 million 508 meñnän kübräk. Sawığuçılar isä 40 million 473 meñ kürsätkeçennän uzdı.

AQŞta virus arqasında ğomere özelüçelär sanı 261 meñ 790ğa citte. Kovid-19 diagnozı quyılğannar sanı isä 12 million 450 meñ 666. İlbaşı Donal’d Tramp videoêlemtä aşa G20 sammitında çığış yasadı häm AQŞnıñ koronavirus belän köräştä qulındağı barlıq çığanaqlarnı qullanuın belderde.

İtaliyada Kovid-19 kizüendä ğomere özelüçelär sanı soñğı 24 säğat’tä 692gä arttı häm 49 meñ 261buldı. Yoqtıru oçraqları 34 meñ 767gä kübäyep 1 million 380 meñ 531gä citte. Xökümät räise Djuzeppe Konte kizü belän köräştä böten dön’ya cämäğat’çelekläreneñ diagnoz, däwalaw häm vakśinağa ireşüeneñ garantiyägä alınuı kiräklegen häm bolarğa härkemneñ xaqı buluın söyläde. Sälamätlek saqlaw ministrı Roberto Speranza isä İtaliyägä berençe Kovid-19 vakśinalarınıñ ğıynvarda kiläçägen belderde. “İldä möğayen monnan alda kürelmägän Kovid-19 vakśinalaştıru kampaniyäse bulaçaq,”-dide ul.

Franśiyädä koronavirustan ülüçelär sanı 48 meñ 518, yoqtıruçılar – 2 million 127 meñ 51 bularaq terkälde.

Angliyada kizüdä 54 meñ 626 keşeneñ ğomere özelde, 1 million 493 meñ 300dän artıq keşe älege çirne yoqtırdı. Xökümät räise Boris Djonson G-20 liderlar sammitında Kovid-19 kizüen ciñü häm klimat üzgäreşläre belän köräşü öçen bergä êşlärgä häm tağın da köçle adımnar yasarğa çaqırdı.