Ärmännär tınıçlanmıy

Kel’badjardan kitär aldınnan öylär, däwlät binalarına ut törtelde

1527903
Ärmännär tınıçlanmıy

Azärbaycannıň Kel’badjar şähärennän kitär aldınnan ärmännär öylär, däwlät binaları häm urmannarğa ut törtte.

Soŝial’ media häm rus xäbär säxifälärendä urın aluçı yazmalarda Kel’badjarnıň törle töbäklärendä yäşäwçe ärmännärneň kitkänçe qayber binalarğa ut törtüe, qayberlären dä cimerüe kürenä.

Azärbaycannar isä 27 yıl êlek bu cirlärdän kitkändä öylärendäge böten äyberlären diyärlek qaldırğan ide.

Yazmalardan kürengänçä öylär genä tügel, ä mäktäp binaları häm ağaçlar da yana.

Azärbaycannıň könçığışında, Ärmänstan çigendä, Tawlı Qarabaxnıň tön’yaq könbatışındağı Kel’badjar 1993tä yawlap alına.

Kel’badjar häm 128 awılında yäşäwçe 60 meň Azärbaycanlı öylären qaldırıp kitärgä mäcbür bula häm ilneň törle töbäklärenä urnaşa.

Ärmänstan yawlawdan alda ärmännär yäşämägän Kel’badjarğa törle töbäklärdän ärmännärne alıp kilep, biregä qanunsız räweştä urnaştıra.

Azärbaycan belän Ärmänstan arasında 10 noyabr’dä tözelgän kileşü buyınça Ärmänstan armiyaseneň bügen 15 noyabr’ könne Kel’badjardan kitüe kiräk.

Ärmännär kileşü iğlan itelgän könnän birle Kel’badjardağı binalarğa zıyan birä başladı.



Bäyläneşle xäbärlär