Global' cılınu yökle xatınnarğa naçar täêsir itä

Klimat üzgärügä bäyle global’ cılınu awırlı xatınnarğa da yoğıntı yasıy ikän. Az häm urtaça keremle 24 ildä uzdırılğan 70 tikşerüneñ näticäläre şunı kürsätä. Anda açıqlanğança, hawa temperaturası ber gradusqa artqan sayın irtä tudıru häm awırnıñ töşü qurqınıçı urtaça 5%qa kübäyä. Ozaq waqıtlı êsselek dulqınında irtä tudıru oçraqları 16%qa kütärelä.  

Yuğarı temperaturanıñ awırlı xatınnarğa naçar täêsire, ayıruça, az häm urtaça keremle illärdä nığraq küzätelä. Şulay itep, tikşerenü alarnıñ êsse hawada risklı törkemnär arasında urın aluın açıqladı.  

Balağa uzu organizmda sälamätlekkä täêsir itüçe şaqtıy üzgäreşlärgä kiterä. Bu yöräkneñ tağın da kübräk êşläwe, êçke temperaturanıñ artuı, cılılıq stressı, tiz aru häm su yuğaltu bulırğa mömkin. Bu oçraqta hawa temperaturasınıñ da artuı östämä  awırlıq tudıra.