"Armiyä tuqtarğa kiräklegen äytte"

Paşinyan kileşüne armiyäneñ köçe betkängä imzalawın belderde

1525392
"Armiyä tuqtarğa kiräklegen äytte"

Ärmänstan xökümäte räise Nikol’ Paşinyan Qarabax belän bäyle kileşüne armiyäneñ çığanaqları betkännän soñ imzalawın belderä. Ul Facebook akkauntı aşa ütkärelgän turıdan-turı êfirda bolay dide: “Armiyä tuqtarğa kiräklegen äytte. Çönki problemalarıbız bar, ämma alarnıñ çişeleşe yuq yäisä resurslar bette”.

Paşinyan, xärbi çığanaqlarnıñ citärle bulmawınnan tış, frontta suğışuçılarnıñ sanı azayuın häm tulılandırırlıq keşe qalamawın da söyli. “Suğışçılarğa yal kiräk ide. Frontta ber ay buyı almaşsız suğışuçılar bar. Ärmänstan häm Tawlı Qarabax idaräse suğışnı tiz arada tuqtatu kiräklegenä qarar qıldı. Yuqsa, näticälär tağın da awır bulaçaq,”-di ul.

 Paşinyan Tawlı Qarabaxta bäreleşlärne tuqtatqan kileşü belän bäyle yasağan belderüendä mondıy süzlär qullandı: “Üzem öçen dä, barıbız öçen dä awır qarar çığardım. Rusiyä häm Azärbaycan ilbaşları belän Qarabax suğışın beterü öçen kileşü imzaladım. Bu xaqta belderü minem häm xalqım öçen äytep betergesez awır”.



Bäyläneşle xäbärlär