Ğaräp Ämirleklärendä radikal' üzgäreşlär

Berläşkän Ğaräp Ämirleklärendä alkogol’ qullanuğa häm ğailä çitendä başqası belän bergä buluğa röxsätneñ bireläçäge açıqlandı.

Berläşkän Ğaräp Ämirlekläre häm Baxreyn Fälästinlelärneñ xoquqların häm iradäsenä iğtibarsız qalıp, İzrail belän mönäsäbätlärne cayğa salu öçen adım yasadı.

Ämirleklär normal’läşü qısalarında säwdä, säyäxät kebek ölkälärdän soñ şäxsi tormış belän bäyle radikal’ üzgäreşlär yasadı.

Däwlät agentlığı WAM beldergänçä ildä isertkeç êçemleklär qullanu häm niqahı bulğannarnıñ çittä yörüe normal’ qabul iteläçäk. Älege üzgäreşlärneñ ilneñ iqtisadi häm soŝial’ xälen nığıtu maqsatı belän yasaluı belderelde.

İldä alkogol’ qullanu häm niqahtağılarnıñ çittä yörüen irekle itü İzrail turistlarınıñ da xökemgä tartılmayaçağın añlata.

İzrail belän Berläşkän Ğaräp Ämirlekläre arasında 15 sentäbr’ könne Aq Yortta oyıştırılğan tantanada mönäsäbätlärne cayğa salu kileşüe imzalanğan ide.