Franśiyädä yaña ilbaşına berençe kandidat bilgele

Çiktän tış sulçı deputat üz kandidaturasın kürsätte

1524269
Franśiyädä yaña ilbaşına berençe kandidat bilgele

Franśiyädä çiktän tış sulçı “Başın imäwçe Franśiyä” xäräkäteneñ liderı Jan-Lyuk  Melanşon 2022nçe yılda uzaçaq ilbaşı saylawında namzät bulaçağın belderde. TF1 kanalına interv’yusında ul franśuz cämäğat’çelegeneñ tupikka kilep terälüen, üzeneñ isä monı çişä alırday mömkinlek häm programmağa iyä buluın citkerde.

Melenşon 2022nçe yılda ilbaşı yarışında qatnaşu öçen xalıqtan 150 meñ imza cıyarğa kiräklegen äytte. Ul üzeneñ kandidaturası xaqında partiyäse êçendä dä söyläşkän, başqa namzät bulırğa teläwçe tabılmağan.

Jan-Lyuk  Melanşon Franśiyädä 2022nçe yıldağı saylawlar öçen kandidaturasın beldergän berençe säyäsätçe buldı. Çiktän tış sulçı deputat 2012nçe häm 2017nçe yıllarda da däwlät başlığı bulırğa tırışqan ide. 2017nçe yılda ul berençe turda 19,58% tawış aldı.

Franśiyädä ilbaşı saylawında ciñü öçen berençe turda kimendä 50% tawış alu kiräk. Berençe turda bu kürsätkeçkä ireşüçe bulmasa, iñ küp tawış alğan ike namzät ikençe turda yarışa.



Bäyläneşle xäbärlär