AQŞta xalıq bäyräm itä

Djo Baydennıñ ciñüe iğ’lan itelgännän soñ bik küp şähärdä bäyräm itü başlandı

1523783
AQŞta xalıq bäyräm itä

Amerika Quşma Ştatlarında ilbaşı saylawlarınıñ räsmi bulmağan näticäläre buyınça demokrat Djo Baydennıñ ciñüe iğ’lan itelgännän soñ bik küp şähärdä bäyräm itü başlandı.

Qayber ştatlarda äle tawışlarnı sanaw däwam itä. Ämma Pensil’vaniya häm Nevadadağı näticälär bilgele buluğa xäzerge ilbaşı Donal’d Trampnıñ demokrat köndäşe Baydenğa ottıruı açıq ide.

Amerika xäbär agentlıqlarınıñ farazlawlarına qarağanda, Baydennıñ 46nçı AQŞ ilbaşı buluı iğ’lan itelgännän soñ meñnänrçä keşe uramğa çıqtı.  Başqala Vaşingtonda irtängä taba Aq Yort qarşında cıyılğan xalıq Baydennı yaqlap şiğar’lär qıçqırdı, muzıka astında biyede.

N’yu-York, Los-Anjeles, San-Franśisko, Çikago şikelle şähärlärdä dä keşelär mäydannarda cıyılıp yäisä maşinalarınıñ signalına basıp saylaw näticälärenä söyenüen belderde.



Bäyläneşle xäbärlär