16 xatın-qız urlandı

Nigeriyada qorallı keşelär yuldağılarğa basqın yasadı

1523845
16 xatın-qız urlandı

Könbatış Afrika däwläte Nigeriyanıñ Ondo töbägendä qorallı keşelär basqın yasap xatın-qızlarnı urladı.

Cirle matbuğattağı xäbärlärgä qarağanda, Akure-Awa yulında kemlekläre älegä bilgele bulmağan keşelär höcüm oyıştıra. Alar bik küp keşene yaralıy. Ä 16 xatın-qıznı üzläre belän alıp kitälär.

Ondo töbäge poliśiyä idaräsennän belderülärençä, cirlekkä iminlek köçläre cibärelgän. Yaralılarnı xastaxanälärgä iltkännär. Urlanğan xatın-qızlarnı êzläw häm qotqaru öçen operaśiyä başlanğan.

Nigeriyanıñ bik küp töbägendä keşe urlağan öçen ülem cäzası ğamäldä. Şulay da oxşaş waqıyğalar daimi räweştä bulıp tora.

İldä 2008nçe yılda qıyınlıqlar kötüçe häm fermerlar arasında atışular belän başlandı. 2015nçe yıldan başlap keşe urlaw häm talawlar kübäyde.

Uzğan yıl aprel’dän iyül’gä qadär barğan operaśiyädä 2 meñ 504 oyışqan cinayät’çel törkem äğ’zası qulğa alındı, 207 urlanğan keşe qotqarıldı.



Bäyläneşle xäbärlär