AQŞ ta yaňa ilbaşı kem bulaçaq?
Tawışlarnı sanaw däwam itä,saylaw näticäläre älegä haman da bilgesez
Amerika Quşma Ştatlarında 3 nçe noyabr’dӓ ütkӓrelgӓn ilbaşı saylawınnan soň tawışlarnı sanaw dӓwam itӓ.
Pensil’vaniya ştatınıň Filadel’fiya şӓhӓrendӓ cömhüriyӓtçelӓr kandidatı Donal’d Tramp belӓn demokratlar kandidatı Djo Bayden tarafdarları protest çaraları ütkӓrde.
Tramp alda bulğan Pensil’vaniya ştatında poçta aşa cibӓrelgӓn tawışlarnı sanıy başlağaç nӓticӓlӓr Bayden faydasına üzgӓrde.
71 delegatnı wӓkillek itkӓn Pensil’vaniya, Tön’yaq Karolina, Djordjiya, Arizona, Nevada hӓm Alyaska ştatlarında saylaw nӓticӓlӓre ӓle haman da bilgele tügel.
Tawışlarnı sanaw tögӓllӓngӓn ştatlardağı räsmi bulmağan näticälärgä qarağanda, Djo Bayden 264, Donal’d Tramp 214 delegatnıň tawışın aldı.
Pensil’vaniyӓdӓ tawışlarnıň 96%ı sanalğan, biredӓ Bayden 13 meň tawış belӓn alda bara.
Demokratlar kandidatı Bayden AQŞ tarixında 74 million tawış belӓn iň küp tawış cıyuın belderep mondıy sannar belӓn saylawda ciňügӓ ireşӓçӓgen assızıqladı.
Bayden tarafdarların tınıç bulırğa çaqırıp “Demokratiya êşli. Tawışlar sanalaçaq. Tawışlarnı sanawnı tuqtatırğa tırışsalar da moňa röxsӓt itmim” dide.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde