İkeyözle ministr

Franśiyädä süz iregen yaqlawçı mäğarif ministrı matbuğatqa basım yasadı

1522086
İkeyözle ministr

Süz irege sıltawı belän İslam häm möselmannarnı mısqıllawçı Franśiyädä mäğarif ministrı Jan-Mişel’ Blanke matbuğatta üze turındağı komiksnı oşatmadı. “Süz irege çiklärennän çığa” digän säbäp belän basım yasap anı tıydı.

Mediapart internet säxifäse Trembley şähärennän uqıtuçı Kristof Tard’ye icat itkän “Redemium” komiksın çığara.  Ber bülemendä Blanke “däwlät mäktäbe täcribäse bulmağan, bik liberal’ fikerlärgä iyä, xakimiyät söyüçe keşe” bularaq tasvirlana. Ministr advokatlar yärdäme belän Mediapartqa basım yasıy. Ul üze turındağı bülemneñ süz irege çiklärennän çığuı häm şäxsi tormış belän bäyle buluın äytä. Basımnan soñ internet säxifäse komiksnıñ ministr turındağı öleşen beterä.  

Äsärneñ avtorı Tard’ye 17nçe oktybar’dä mäğarif ministrınıñ süz irege turında bik qaynar çığış yasawın, komiksnı alıp atu taläbeneñ şul säbäple şaqqattırğıç buluın assızıqladı.

“Ministrnıñ ikeyözlelege: qarşığızda süz iregen yaqlar, artınnan yazuçığa höcüm itär,”-dide Tard’ye.



Bäyläneşle xäbärlär