Dön’yanıñ iñ ozın su astı timer yulı

Üzäge Şanxayda urnaşqan “The Paper” xäbär portalı beldergänçä Çjêŝzyan vilayäteneñ Qalqınu häm reforma komitetı materiknı Ŝzin’tan utrawına totaştıraçaq 16,2 çaqrımlıq su astı timer yulı tunnele proyektın rasladı.

Tunnel’ Ningbo şähären Çjounşan’ şähärenä totaştıraçaq 76,4 çaqrımlıq timer yulı proyektınıñ ber öleşe bulaçaq.

Üzqıymmäte 4 milliard dollar bulaçaq proyektnıñ 6 yılda tämamlanuı küzdä totıla.

Çjeŝzyan vilayätenä bäyle Çjunşan’ arxipelagı yaxşı qunaqxanä asqorıması häm çista plyajları belän turistlar arasında bik populyar. Xäzerge waqıtta utrawlarğa barı tik küperlär häm hawa yulı belän genä barıp bula.