Belarus'ta berençe AÊS êşli başladı
Anıñ êşlätelüenä kürşeläre Litva bik nıq qarşı çıqtı
1522377
Belarus’ Rusiyä tarafınnan yasalğan häm finanslanğan täwge atom-töş stanśiyäseneñ ber reaktorın, kürşe däwlät Litvanıñ bik nıq qarşı buluına qaramastan, êşlätep cibärde.
Ostroveś atom-töş êlektr stanśiyäsen Rosatom tözede. Ul Litvanıñ başqalası Vil’nyusqa 40 çaqrım yıraqlıqta ğına. Stanśiyäneñ härberse 1200 megavattlı 2 reaktorı bar. Anıñ, tulısınça êşli başlağaç, Belarus’nıñ ênergiyä ixtiyacınıñ öçtän beren qaplawı kötelä.
Êşli başlağan reaktornı 3nçe näsel dip atıylar. Ul – Rusiyäneñ çit ildä yasağan reaktorları arasında bu tördän berençe ürnäge.
Ostroveś AÊSı 2021nçe yılda tulı köçenä êşli başlayaçaq dip planlaştırıla.
