AQŞ klimat kileşüennän çıqtı

BBC beldergänçä Amerikan ilbaşı Donal’d Tramp 2017dä qabul itkän Parij Klimat kileşüennän çigenü qararı kiçä räsmi räweştä ğamälgä kerde. Şul räweşle AQŞ kileşüdän räsmi räweştä çıqqan berençe il buldı.

Älege kileşüdän çigenü qararın ildä Demokratlar häm tirä-yaq moxitnı saqlawçılar tänqıyt’läde, Cömhüriyätçelär isä xupladı.

Bötendön’ya çığanaqları institutınıň Xalıqara klimat kereşüe mödire Dêvid Waskow: “ Parij Klimatnı saqlaw kileşüennän çigenü – menä torğan basqıçtan asqa taba töşüder”, - dide.

AQŞta 59nçı ilbaşı saylawında Djo Bayden saylawda ciňü yawlağan oçraqta kileşügä qabat quşılırğa süz birgän ide.