"Törkiyä belän êşçänlek däwam itä"

Bu xaqta Rusiyä tışqı êşlär ministrı Sergey Lavrov belderde

1521631
"Törkiyä belän êşçänlek däwam itä"

Rusiyä tışqı êşlär ministrı Sergey Lavrov Tawlı Qarabax mäs’äläsendä Törkiyä belän êşçänlek başqarunı däwam itteräçäklären belderde.

Lavrov “Kommersant” gazetına birgän interv’yuda Rusiyä belän Törkiyä arasındağı mönäsäbätlärne häm Tawlı Qarabaxtağı wazğıyät’ne bäyäläde.

Rusiyä belän Törkiyäneñ törle töbäklärdäge krizislarnıñ çişeleşe mäs’äläsendä êşläwen açıqlağan Lavrov: “Mäskäw häm Änkara pragmatik totış kürsätä aluçı, ber-berse belän strategik vizion yärdämendä êş başqara aluçı yaqın partnyerlar,” – dide.

Lavrov Tawlı Qarabax mäs’äläseneñ ayırmalı buluın belderep, bu töbäktäge wazğıyät’neñ köç qullanıp çişelüen xuplamawların assızıqladı.

“Daimi utnı tuqtatu urnaştırılmasa, suğışnıñ tuqtatıluı, taraflar arasında dialognıñ qorıluı häm Baqı belän Yerevan citäkçelekläreneñ söyläşü östäle artına utıruları öçen töbäktäge barlıq täêsirlärebezne qullanunı häm törek parnyerlarıbız belän êşläwne däwam itteräçäkbez,” – dide ministr.



Bäyläneşle xäbärlär