Moldovada ilbaşın saylıylar
Moldova ilbaşı wazıyfası öçen 8 kandidat yarışa
1519501
Moldovada bügen xalıq yaña ilbaşın saylıy. Xäzerge däwlät başlığı İgor’ Dodonnıñ wazıyfa waqıtı axırına yaqınlaştı.
İldä, çittä yäşäwçelärne dä kertep, 3 million 287 meñ 140 saylawçı bar. 36 töbäktä häm ilçeleklärdä tawış birü irtänge säğat’ 7dä başlandı.
İlbaşına kandidat saylawçılarnıñ yartısınnan artığınıñ tawışın alsa – ciñäçäk. Berse dä 50%tan artıq tawışqa iyä bulmasa, saylawlar ikençe turğa qala. Anda iñ küp tawış alğan ike kandidat qatnaşa.
Moldova ilbaşı wazıyfası öçen 8 kandidat yarışa. Berse – xäzerge ilbaşı İgor’ Dodon.