Rusiyädän Ärmänstanğa tiskäre cawap

Rusiyä Ärmänstan prem’yer-ministrı Nikol Paşinyannıñ qabat yärdäm taläp itüenä cawap bularaq bäreleşlärneñ Ärmänstan cirlärendä bulmawın xäterlätte.

Rusiyä tışqı êşlär ministrlığınnan yasalğan yazma açıqlawda Ärmänstan xökümät räise Nikol Paşinyannıñ Rusiyä ilbaşı Vladimir Putinğa xat cibärep, Rusiyäneñ Ärmänstanğa yärdämnäre belän bäyle kiñäşmälärneñ başlatıluı çaqıruı bäyälände.

Rusiyä Ärmänstan belän 1997dä imzalağan Duslıq, xezmättäşlek häm ike yaqlı yärdäm kileşüe xäterlätelgän açıqlaw tübändägeçä yañğırıy: “Kileşü buyınça Rusiyä bäreleşlär Ärmänstan cirlärendä bulğanda ğına Yerevanğa kiräkle yärdämne kürsätäçäk. Tawlı Qarabaxta däwam itüçe bäreleş tarafların şunduq utnı tuqtatırğa çaqırabız.”