Koronavirus ölkännärne aktiv tormışqa êtärde

65 yäş'tän ölkänräklär karantinda iñ küp xäräkätlänüçe bula

1516288
Koronavirus ölkännärne aktiv tormışqa êtärde

Koronavirus kizüe waqıtında 65 yäş’tän ölkän keşelär sport belän şöğıl’länä başladı. Angliyädä uzdırılğan ber tikşerenü şunı kürsätkän. Kovid-19 waqıtında iñ aktiv törkemneñ näq’ menä pensionerlar buluı açıqlandı.  

“Daily Mail”nıñ xäbärenä qarağanda, Kolledj London universitetı belgeçläre 14tän başlap 93 yäş’kä qadärge keşelär belän bäyle mäğ’lümatnı qaraştırıp, Kovid-19 kizüeneñ fizik künegü yasawnı ğadätkä kertügä êtärüen açıqlağan.  

Tikşerenü qısalarında, ğıynvar ayınnan iyün’ axırına qadär 5395 keşene telefonnarındağı programmağa nigezlänep küzätälär.

Kizü säbäple mart ayında uramğa çığu tıyılğannan soñ xalıqnıñ yaqınça 3tän 2se yörü, yögerü häm velosiped qullanuın kimetä. Ämma bu çorda 65 yäş’tän ölkännär tağın da aktivlaşa. Çikläwlär yomşaruğa alar künegü däräcäsen dä arttıra.

Aktivlığı iñ küp kimegän törkem – yäş’lär. Monıñ säbäbe - sport zallarınıñ yabıluı dip farazlana.



Bäyläneşle xäbärlär