Aynıñ öslegendä su tabıldı

Monı revolyuśiyä däräcäsendäge açış dip bäyälilär

1516934
Aynıñ öslegendä su tabıldı

Aynıñ Qoyaşqa taba qarawçı öslegendä su tabıldı. Bu xaqta NASA yazma belderü yasadı. Anda bolay diyelä: “İnfraqızıl astronımik stratosfera observatoriyäse Aynıñ qoyaşlı yağında su barlığın täwge tapqır rasladı. Bu açış sunıñ Ay öslegendä taraluın, suıq häm külägäle urınnar belän genä çiklänmäwen kürsätä.

Kolorado universitetı astrofizika professorı Pol Xayne häm törkeme dä NASAnıñ ber yasalma iyärçenennän alınğan kamera mäğ’lümatları häm cılılıq ülçäwnären qullanıp boz qatlamnarınıñ yaqınça 40 meñ kvadrat kilometr yäisä Ay öslegeneñ yaqınça 0,1%ı qadär cir qaplawın açıqladı. Pol Xayne bolay di: “Monnan alda açılmağan bu boz basseynnarınıñ milliardlarça ikänen küräbez. Bu boznı tağın da ciñel çığaru öçen forsat. Ayda astronavtarğa kiräk bulaçaq närsälär nisbätennän monı revolyuśiyä däräcäsendäge açış dip bäyälibez”.

NASA “Artemis” dip ataluçı programma qısalarında 2024nçe yılda Ayğa ber ir häm ber xatın-qız astronavt cibärergä planlaştıra.



Bäyläneşle xäbärlär