Xätär öyermä

Filippinnarda Movale öyermäse awıllar häm şähärlärne pıran-zaran kiterde

1515979
Xätär öyermä

Filippinnarda Movale öyermäse säbäple meñnärçä keşe torğan cirlärennän kitärgä mäcbür buldı.

Başqala Manilanıñ kön’yağındağı töbäklärgä bärgän tayfun arqasında 25 meñ tiräse keşe küçengän. Wäqalätlelär cilneñ tizlegeneñ säğatenä 125 çaqrımnan artuın söyli. Ülem-kitem xaqında belderelmägän. Ämma Batangaç töbäge sulıqlarında yaxtaları batıp kimendä 1 keşeneñ yuğaluı, 7 keşeneñ qotqarıluı äytelä.

Öyermä awıllarda su basularğa häm tübälärneñ oçuına kitergän. Afättän qaçuçı xalıqnıñ ber öleşe êvakuaśiyä üzäkläre xälenä kiterelgän mäktäp häm xökümät binalarına sıyınğan.

Şul uq waqıtta, hawa şartları säbäple yar buyı iminlege xezmätläre diñgezdäge xäräkätne tuqtatqannan soñ, 1800dän artıq yök maşinası yörtüçe, êşçe häm yulçı portlardan kitä almıyça qala.



Bäyläneşle xäbärlär