Gvineyada saylawlardan soñğı qanlı waqıyğalar

İldäge rizasızlıq çaralarında keşelärne atıp üterdelär

1514144
Gvineyada saylawlardan soñğı qanlı waqıyğalar

Gvineyada yäkşämbe könne uzğan ilbaşı saylawlarınnan soñ tawışlarnı sanaw däwam itä. Şul waqıtta il külämendä rizasızlıq waqıyğaları da bara. Anda 9 keşeneñ ğomere özelüen belderälär. Berse poliśiyä xezmätkäre. Anı qıynap ütergännär.

Cirle matbuğatta çıqqan xäbärlärgä qarağanda, çualışlar düşämbe könne başlanğan. Anda rizasızlar belän poliśiyä arasında bäreleş kilep çığa. Ülgän 9 keşeneñ 6sı utlı qoraldan atılğan. Bu xaqta xäzerge ilbaşı Al’fa Konde liderlığındağı Xalıq yöreşe partiyäsennän xäbär itälär.

Kondenıñ köndäşe – Gvineya demokratik köçlär berlegeneñ liderı häm ilbaşına kandidat Selu Daleyn Diallo isä ülüçelärneñ 16 buluın söyli.



Bäyläneşle xäbärlär