Gruziyädä bank talawçı qaçtı

Gruziyädä bankka talaw maqsatı belän kerep 19 keşene totıq itep alğan bur waqıyğa urınınnan yuqqa çıqtı. Ul üze belän 500 meñ dollar, anı kitergän poliśiyä xezmätkären häm tağın 2 keşene alğan.

Gruziyä êçke êşlär ministrlığınnan belderülärençä, talawçınıñ kemlege bilgele tügel. Ul, banknı basqannan soñ, ber totıq yärdämendä taläplären telekanalğa belderä. Bur yaqınça 500 meñ dollar aqça sorıy häm, poliśiyä bank binasınnan yıraqlaşmağan oçraqta, totıqlarnı beräm-beräm üterä başlayaçağın citkerä.  Şunnan soñ bank tiräsen äyländerep alğan iminlek köçläre çigenergä mäcbür bula.

Talawçığa taläp itkän külämdä aqça birälär. Ul 17 totıqnı irekkä cibärä, 2sen häm poliśiyä xezmätkären üze belän alıp maşinağa utırıp qaça. Xäzergä alarnıñ qayda ikänlekläre bilgele tügel.