Kovid-19dan däwalawda näticäse kürengän berdänber daru

Bötendön’ya sälamätlek saqlaw oyışması koronavirustan däwalawdağı mäğ'lümatlar belän urtaqlaştı

1511001
Kovid-19dan däwalawda näticäse kürengän berdänber daru

Koronavirustan däwalawda qullanıla torğan darular arasında barı deksametazonnıñ xäle awır buluçılarğa yärdäm itüe açıqlandı.

Bu xaqta Bötendön’ya sälamätlek saqlaw oyışması ğomum mödire Tedros Adxanom Gebreyesus oyıştırğan videokiñäşmädä süz bardı. Anda pandemiyä belgeçläre qatnaştı.

Gebreyesus oyışma koordinaśiyäsendä alıp barılğan “Berdämlek sınawı”nıñ berençel näticäläre xaqında mäğ’lümat birde. Anda “Remdesivir” dip ataluçı virusqa qarşı preparat, gidroksixloroxin häm SPİDtan däwalawda qullanıla torğan lopinavir/ritonavir kombinaśiyäseneñ Kovid-19dan ternäklänü waqıtına bernindi diyärlek täêsire bulmawı kürengän.  

Gebreyesus, älege tiskäre näticälärgä qaramastan, BSOnıñ mart ayında 30 ildä tulayım 500 xastaxanadä yaqınça 13 meñ keşe qatnaşında başlanğan “Berdämlek sınawı”nıñ däwam itäçägen citkerde. Älege kampaniyägä ay sayın yaqınça 2 meñ awıru quşıla. Alarnı berniçä ısul belän däwalıylar.”Xäzergä kortikosteroid deksametazon - Kovid-19nı awır uzdıruçılarda täêsire kürengän berdänber preparat,”-dide Gebreyesus.   



Bäyläneşle xäbärlär