Balalarnı minalar östendä yörergä mäcbür itkännär...

BMO M'yanma armiyäseneñ wäxşilegen açıp sala

1509590
Balalarnı minalar östendä yörergä mäcbür itkännär...

M’yanma armiyäse 2 balanı minalarğa qarşı canlı qalqan bularaq qullanğan. Bu xaqta BMO ğomum särqatibe süzçese Stefan Duyarriç belderde. Ul Arakanda keşe xoquqların bozular turında çığış yasadı.

Duyarriç äytüençä, M’yanma armiyäse buddist suğışçılar belän bäreleştä 2 balanı qullanğan. Alarnı minalar quyılğan alanda yörergä mäcbür itkännär. Älege ike balanıñ şunda ğomere özelä.  

BMO wäkile cawaplılarnı cäzağa tartırğa çaqıra. Ul M’yanmada yılnıñ berençe 3 ayında 100dän artıq balanıñ bäreleşlärdä ülüen yäisä ğomerlek ğarip qaluın da citkerde.

M’yanma armiyäse häm buddist millätçelär Arakan möselmannarına qarata qılğan zolımnarı belän dä bik yış kön üzägendä bula.

2012nçe yılda buddistlar anda meñnärçä keşene üterde, öylärne häm başqa binalarnı yandırdı. Ontario xalıqara üseş agentlığı mäğ’lümatlarına qarağanda, M’yanma armiyäse êtnik çistartu yasap 2017nçe yıldan birle kimendä 24 meñ arakanlı möselmannı yuq itte.

BMO beldergänçä, Arakandağı basım häm zolımnan qaçıp Bangladeşqa sıyınuçılarnıñ sanı 900 meñnän artıq.



Bäyläneşle xäbärlär