“Kümäk immunitet – virusnı taratu tügel, vakśinalaştıru belän bäyle”

BSS gomum mödire koronavirusnı irekle taratırğa teläwçelärgä kisken qarşı çıqtı

1507856
“Kümäk immunitet – virusnı taratu tügel, vakśinalaştıru belän bäyle”

Bötendön’ya sälamätlek saqlaw oyışması ğomum mödire Tedros Adxanom Gebreyesus kümäk immunitet strategiyäseneñ yalğış buluın citkerde. Ul Şveśiyäneñ Jeneva şähärendä urnaşqan üzäktä video aşa pandemiyä belgeçläre belän cıyılış uzdırdı.

Gebreyesus soñğı 3 köndä koronavirus yoqtıru oçraqlarında här kön yaña rekord yasaluın assızıqladı. “Bik küp şähär häm il xastaxanägä yatu häm reanimaśiyä tulılığı däräcäsendä artu küzätelüen belderä,”-di ul.

Gebreyesus soñğı könnärdä virusnıñ taraluına röxsät itep yänäse “kümäk immunitet” barlıqqa kiterü turında bäxäslär çığuına iğ’tibarnı cälep itte. Ul çınlıqta älege terminnıñ vakśinalaştıruda qullanıluçı temrin buluın äytte.  

“Misal öçen, qızamıqqa qarşı kümäk immunitet öçen xalıqnıñ yaqınça 95%ınıñ vakśinalaştırıluı kiräk. Qalğan 5% isä çirneñ vakśinalaştırılğannar arasında taralmawı arqasında annan saqlanğan bulaçaq.,”-di tabib.

Gebreyesus koronavirus kizüe belän köräştä “kümäk immunitet” strategiyäsen qullanu, östäwenä yalğış räweştä añlap tormışqa aşıruğa kisken  qarşı çığa.

“Tulısınça öyränelep betmägän xätär virusnıñ irekle taraluına röxsät birü, ğadi genä äytkändä, äxlaqsızlıq. Anıñ kontrol’sez räweştä cäyelüenä yu quyu – kiräksez yoğışlı awırular, ğazaplar häm ülemgä kiterü digän süz”,-dip söyli Bötendön’ya sälamätlek saqlaw oyışması ğomum mödire.
 



Bäyläneşle xäbärlär