Tramp här keşegä buşlay daru wäğ'dä itä

Könbatış illärendä koronavirus belän bäyle soñğı sannar häm waqıyğalar

1505128
Tramp här keşegä buşlay daru wäğ'dä itä
super covid-19

Koronavirus säbäple ğomere özelüçelärneñ sanı dön’yada 1 million 60 meñnän arttı. Yoqtıru oçraqları 36 million 401 meñnän, sawığuçılar isä 27 million 418 meñnän kübräk.

AQŞta 216 meñ 784 keşeneñ ğomere özelde, 7 million 776 meñ 224 keşe virus yoqtırdı. İlbaşı Donal’d Tramp Oval bülmäneñ qarşında yazdırğan videoyullamasında koronavirustan däwalanuda Regeneron isemle firma çığarğan “antikor kokteyle”neñ üzenä bik yaxşı täêsir itüen häm bu darunı härkem öçen buşlay itäçäklären belderde.

İtaliyada soñğı 24 säğat’tä koronavirus säbäple 31 keşeneñ ğomere özelde. Ülüçelär sanı 36 meñ 61gä citte. 3 meñ 678 yaña yoqtıru oçrağı belän Kovid-19 êläkterüçelärneñ sanı 333 meñ 940 buldı. İtaliya xökümäte kizü belän bäyle 15nçe oktyabr’dä tögällänäçäk ğadättän tış xälneñ 2021nçe yılnıñ 31nçe ğıynvarına qadär ozaytıluın belderde.

İspaniyädä Kovid-19dan soñğı 1 köndä 76 keşeneñ ğomere özelde, ülüçelär sanı 32 meñ 562gä citte. Ber köndä 10 meñ 491 yaña oçraq terkälde häm koronavirus yoqtıruçılar 835 meñ 901 buldı.

Franśiyädä kizü säbäple soñğı 24 säğat’tä 80 keşeneñ ğomere özelde. Ülüçelär sanı 32 meñ 445kä citte.  Virus yoqtıruçılar 18 meñ 746ğa arttı häm 635 meñ 509 buldı. Bu san kizü başınnan birle terkälgän iñ yuğarı köndälek kürsätkeç. İlbaşı Êmmanuêl’ Makron yoqtıru oçraqlarınıñ rekord artuınnan soñ tağın da kübräk çara kürergä kiräklegen belderde.

Portugaliya sälamätlek saqlaw ministrlığı Kovid-19 säbäple soñğı 24 säğat’tä 8 keşeneñ ğomere özelüen häm 944 yaña oçraq terkälüen xäbär itte. İldä ülüçelär sanı – 2 meñ 40, yoqtıruçılar – 81 meñ 256.

Germaniyädä ülüçelär sanı 9 meñ 578gä citte. Soñğı 24 säğat’tä 4 meñ 58 keşeneñ Kovid-19 testı pozitiv çıqtı. Şulay itep, Germaniyä aprel’ ayındağı kürsätkeçlärgä kire qayttı.



Bäyläneşle xäbärlär