BBC alıp baruçısı Paşin'yanğa "okkupant" dide

Ärmänstan xökümät räise Nikol’ Paşin’yan Angliyäneñ BBC kanalında “Hard Talk” (Awır bäxäs) programmasında xurlıqqa qaldı. Alıp baruçı Djon Fişer anıñ yözenä bärep “okkupant” dide.

Êş bolay buldı: Nikol’ Paşin’yan tapşıruda “Tawlı Qarabax Ärmänstannıqı” diyep qara propaganda alıp bara başlawğa, Fişer anı bülderde häm Qarabaxnı basıp aluların xäterlätte.

“Xalıqara xoquqqa qarağanda, Ärmänstan 25 yıldan artıq Qarabax häm anıñ tiräsen qanunsız räweştä yawlap tora,”-dide ul.

Poçmaqqa qısrıqlanğan Paşin’yan yalğan belän qotılmaqçı buldı: “Andıy xalıqara xoquq yuq,”-dide. Fişer isä: “Qanunnarnı yaxşılap öyränegez,”-dip kisätte.  

Alıp baruçı Ärmänstan xökümät räisennän: “Bäreleşlärne tuqtatu maqsatınnan, sez Tawlı Qarabax tiräsendäge cirleklärne kire birergä äzerme?”-dip soradı. Paşin’yan sorawdan qaçarğa, temanı üzgärtergä mataştı. Alıp baruçınıñ awır sorawlarına cawap birä almağan xökümät räise üz ilendä dä tänqıyt’ utına totıldı.

Nikol’ Paşin’yan avgust ayında da BBCgä interv’yu birde häm anda da oxşaş sorawlarğa duçar bulıp, cawap birgändä awırsındı.