Liviya Ğaräp Ligasındağı räislek wazıyfasın kire qaqqtı

Liviya Ğaräp Ligasınıñ çirattağı räislegen "tağın da yaxşıraq şartlarda başqarıluı teläge belän” kire qaqtı

1504548
Liviya Ğaräp Ligasındağı räislek wazıyfasın kire qaqqtı

Liviya Tışqı êşlär ministrlığı süzçese Möxämmäd Äl-Kablavi “Twitter” akkauntınnan yasağan açıqlawında: "Liviya Ğaräp Ligasınıñ bu çordağı utırış räislegen alıp bara almayaçaq. Monı tağın da yaxşıraq şartlarda yasarğa telibez”, - dip belderde.

"Ğamäldäge qağidanämälär häm ğamäli çaralarğa kürä, räislek xoquqın saqlap qaluların” assızıqlawçı Kablavi ileneñ räislekne qabul itmäw säbäbenä qağılışlı täfsille açıqlaw belän urtaqlaşmadı.

Ğaräp matbuğatındağı xäbärlärgä kürä, Fälästinneñ Liganıñ utırış räislegen kire qağuınnan soñ Liviya şuşı qararğa kilgän.

Fälästinneñ 22nçe sentyabr’dä bu xoquqtan waz kiçüennän soñ Quveyt häm Qatar da utırış räislegen qabul itmäde.

Fälästin tışqı êşlär ministrı Riyad Äl-Maliki qabul itkän qararların "Liganıñ ğomum särkätiplegeneñ İzrail belän kileşügä qul quyğan Berläşkän Ğaräp Ämirleklären häm Baxreynnı yaqlawçı totışta buluına” bäyläde.

Liganıñ tışqı êşlär ministrları 9nçı sentyabr’dä Fälästin tarafınnan täq’dim itelgän häm Berläşkän Ğaräp Ämirlekläre belän İzrail arasındağı cayğa salu kileşüen gäyepläwçe qarar ölgesen kire qaqqan ide.

Berläşkän Ğaräp Ämirlekläre häm Baxreyn 15nçe sentyabr’dä Amerika Quşma Ştatlarınıñ aradaşçılığında Aq Yortta İzrail belän cayğa salu kileşüenä qul quyğan ide.



Bäyläneşle xäbärlär