"780 million keşe virus yoqtırğan bulırğa mömkin"

Bu - Bötendön'ya sälamätlek saqlaw oyışmasınıñ iñ yaxşı farazları

1503411
"780 million keşe virus yoqtırğan bulırğa mömkin"

Xäzerge waqıttağı iñ yaxşı farazlarğa qarağanda, dön’ya xalqınıñ yaqınça 10%ı, yäğ’ni 780 million keşe koronavirus yoqtırdı. Bötendön’ya sälamätlek saqlaw oyışması aşığıç xällär programması direktorı Mayk Rayan şulay dip belderde. Ul Şveyśariyäneñ Jeneva şähärendä uzuçı “Kovid belän köräş” maxsus utırışında çığış yasadı.

Rayan kizüneñ dön’ya külämendä regionnan regionğa üzgärüen söyli. Kovid-19 oçraqları kön’yaq-könçığış Aziyada kütäreleştä, Awrupa häm Könçığış Urta diñgez regionında da ülemnär arta başladı. Könbatış Tın okean töbäkläre häm Afrikada wäzğıyät’ isä xäzer tağın da uñay.

“Bolar şunı añlata – dön’ya xalqınıñ kübese yanaw astında. Pandemiyanıñ üseşen däwam itäçägen beläbez. Ämma xäzerge waqıtta yoqtırunı bastırırğa häm ğomerlärne qotqarırlıq çaralarğa iyä buluıbıznı da beläbez. Bolar bezneñ qulda,”-dip söyläde Rayan.

Ul dön’yanıñ bik awır çorğa kerüe häm virusnıñ taraluın däwam itüe turında kisätte.



Bäyläneşle xäbärlär