Koronavirus qabat rekord quya
Könbatış illärendä Kovid-19 belän bäyle soñğı sannar
Dön’yada koronavirus säbäple ğomere özelüçelärneñ sanı 998 meñ 806 buldı. Yoqtıru oçraqları 33 million 62 meñnän, sawığuçılar isä 24 million 412 meñnän arttı.
AQŞta Kovid-19 kizüe 209 meñnän kübräk keşene alıp kitte. Virusnı 7 million 287 meñ 593 keşe êläkterde. N’yu-Yorkta köndälek yoqtıru oçraqları qabat meñnän artıq. Soñğı täwlektä koronavirus 1005 keşedä terkälde. Bu N’yu-Yorkta 5nçe iyün’nän birle kürelgän iñ yuğarı artu.
Braziliyädä Kovid-19dan soñğı 24 säğat’tä 904 keşeneñ ğomere özelde. Şulay itep, ildä älege çirdän ülüçelär sanı 141 meñ 441 buldı.Yoqtıru oçraqları ber köndä 28 meñ 502gä arttı häm 4 million 718 meñ 115 keşe täşkil itte.
Meksikada Kovid-19dan ülüçelär sanı 399ğa arttı häm 76 meñ 243 buldı. Yoqtıruçılar isä 5 meñ 573kä kübäyep 726 meñ 431gä citte.
Kizüneñ Awrupadağı märkäze xälendäge Angliyädä soñğı täwlektä koronavirus 34 keşene alıp kitte. Ülüçelär sanı 41 meñ 971 buldı. Yoqtıruçılar sanı isä 6 meñ 42gä arttı häm 429 meñ 277 keşe täşkil itte.
İtaliyädä soñğı täwlektä koronavirus tağın 17 keşeneñ ğomeren özgännän soñ ülüçelär sanı 35 meñ 818gä citte. Ber köndä 1869 oçraq terkälde häm Kovid-19nı êläkterüçelär sanı 308 meñ 104 buldı.
Franśiyädä kizü säbäple soñğı 24 säğat’tä 39 keşe yaqtı dön’yadan kitte. Yuğaltular 31 meñ 700 buldı. Yoqtıruçılar sanı 14 meñ 412gä arttı häm 527 meñ 446ğa citte.
