Yasalma zihenne faydağa qullanuçığa - 1 million dollar

Aña Moldovada tuğan ğalim layıq buldı

1496441
Yasalma zihenne faydağa qullanuçığa - 1 million dollar

“Keşelekneñ faydası öçen yasalma zihen” bülägen amerikalı professor Regina Barzilay aldı. Ul yaman şeşne diagnostikalaw häm daru yasaw mäydanında êşçänleklär alıp bara. Professor bu tikşerenülärendä yasalma zihenne qullana.  

Büläkne AQŞtağı Yasalma intellekt üseşe cämğıyäte  tapşırdı. Regina Barzilayğa 1 million dollar aqça da birelde.

Ğalimgä 2014nçe yılda kükräk yaman şeşe diagnozı quyıla. Şunnan soñ ul yasalma zihen yärdämendä älege mäydanda tikşerenülären arttıra. Anıñ irtä diagnostika cihazları AQŞ, Şveśiyä häm Tailandtağı xastaxanälärdä uzğan sınawlarda uñışlı dip tabıla häm onkologiyädä qullanıla başlıy.  

Büläk bıyıl berençe tapqır birelä. Töp fännärdäge Nobel’ häm sanaq belemnärendäge Turing premiyäläre şikelle, ul yasalma zihen tarmağında üseş täêmin itkän tikşerenüçelärneñ êşçänleklären bäyäläw häm yasalma zihenneñ keşelekkä faydasına iğ’tibarnı cälep itü maqsatı quya.



Bäyläneşle xäbärlär