Tön'yaq Koreya sularına kergän öçen üterelde

Yuqqa çıqqan Kön’yaq Koreya okean häm balıqçılıq ministrlığı xezmätkäreneñ üterep yandırıluı açıqlandı

1496637
Tön'yaq Koreya sularına kergän öçen üterelde

Koreya yarımutrawı yanında Kön’yaq Koreya okean häm balıqçılıq ministrlığı xezmätkären Tön’yaq Koreya sularına kergän öçen atıp üterdelär.

47 yäş’lek älege keşe atna başında 500 tonnalıq köymä belän küzätü ütkärgändä yuqqa çığa. Anı ike il arasındağı diñgez çige tiräsendä sudan da, hawadan da êzlilär. Ämma taba almıylar. Saqlanu ministrlığı xezmätkärneñ Tön’yaq Koreya tarafınnan üterelüen rasladı.

“Armiyäneñ külämle küzläw analizlarına qarağanda, Tön’yaq Koreya, üz kontinental’ sularına kergän keşene atıp üterep häm gäwdäsen yandırıp cinayät’ êşläde. Armiyäbez bu qırğıy ğamälne kisken räweştä ğayepli häm Tön’yaq Koreyanı añlatma birep, ğayeplelärne cäzağa tartırğa çaqıra,”-diyelä ministrlıqnıñ belderüendä.

Yonhap agentlığınıñ xäbärenä qarağanda, Tön’yaq Koreyada 2008nçe yıldan birle täwge kön’yaq koreyalı üterelde. Ul waqıtta beräwne Kumgang yörü alanında tıyılğan cirlekkä kerüe öçen atqannar ide.



Bäyläneşle xäbärlär