Mişel' karantinda - Awrupa Berlege sammitı kiçekterelä
Anıñ saqçısında koronavirus çıqqan
Awrupa Berlege şurası citäkçese Şarl’ Mişel’neñ törkemendäge beräwneñ koronavirus testı pozitiv çığuı säbäple berlekneñ liderlar sammitın kiçekterdelär. Ul 1nçe-2nçe oktyabr’ könnärenä küçerelde. Şarl’ Mişel’ üzbiklänüdä. Wäkile Barend Leyts äytüençä, uzğan atnada anıñ yanında bulğan saq xezmätendäge beräwneñ Kovid-19 testı pozitiv çıqqan. Ul Mişel’nıñ daimi räweştä test yasatuın häm aldağı köndä analizları negativ çığuın, ämma Bel’giyä qağıydäläre nigezendä karantinğa kerüe kiräklegen belderde.
“Awrupa Berlege şurası räise Mişel’ 24-25nçe sentyabr’dä uzarğa tiyeşle maxsus sammitnı 1-2 oktyabr’gä çigerergä qarar birde,”-dide Leyts.
Çarada Awrupa Berlege liderlarınıñ Könçığış Urta diñgez häm Törkiyä belän mönäsäbätlärdän tış, Qıtay, Kovid-19nı kisätü häm iq’tisadi säyäsät turında söyläşüe kötelä.
Bäyläneşle xäbärlär
AQŞ Pol'şa belän Niderlandqa raketa cibärä
Awrupa illäre saqlanu mömkinleklären arttıru maqsatınnan AQŞtan qorallar satıp aldı