Kovid-19nı yuq itüçe cihaz

Yaponiyädä keşegä zarar birmiçä hawanı viruslardan çistartuçı caylanma uylap çığarıldı

1495749
Kovid-19nı yuq itüçe cihaz

Yaponiyäneñ yaqtırtu cihazları çığaruçı Uşio şirkäte keşegä zarar birmiçä koronavirusnı yuq itä torğan ul’trafiolet nur çäçüçe apparat yasadı. “Care222” dip ataluçı älege caylanma Kolumbiyä universitetı belän bergä uylap tabıla. Ul moña qadärge ul’trafiolet cihazlarınnan keşegä zarar birmäwe belän ayırıla. Mikroblarnı yuq itüçe cihaznı çir yoqtıru qurqınıçı zur bulğan urınnar – avtobus, poyızd, lift häm ofislarnı dezinfekśiyäläw öçen qullanaçaqlar.

Care222 tüşämgä êlenä. Ul hawadağı virus häm bakteriyälärneñ 99%ın 7 minut êçendä yuq itä. Yoğıntısı 2 metr yarım yıraqlıqqa qadär.

Kyodo agentlığı yazğança, mondıy cihaz dön’yada älegä qadär yuq ide. Ul 222 nanometr dulqında êşli, şuna kürä tiregä, küzgä täêsir itmi häm genetik taypılışlarğa kitermi.

Cihaznıñ bäyäse 300 meñ yen (yaqınça 2 meñ 860 dollar). Aña xäzergä mediśina oyışmaları ğına zakaz birä ala.



Bäyläneşle xäbärlär