Antarktidada boz mäydanı keçkenä genä qaldı

Tön’yaq okeanda boz mäydanınıñ yıllıq iñ keçkenä kürsätkeçlärgä töşüe belderelde. Bu xaqta BMOğa bäyle Bötendön’ya meteorologiya oyışması wäkile Klêr Nullis jurnalistlarğa xäbär itte.

“AQŞnıñ qar häm boz mäğ’lümat üzäge boz mäydanınıñ 15nçe sentyabr’dä 3,74 million kvadrat kilometr buluın belderde.  Al’fred Vegener institutı da bu sannı rasladı. Bremen universitetı mäğ’lümatlarına qarağanda isä, 3,8 million kvadrat kilometr,”-dide ul.

Nullis bu sannıñ bu cäy Seberdä bulğan ğadättän tış yuğarı temperaturadan soñ barlıqqa kilgän iñ keçkenä yıllıq kürsätkeç buluın äytte. Ul boznıñ rekord êrüeneñ 2012nçe yılda da buluın xäterlätte. Anıñ äytüençä, bıyılğı kürsätkeçlär älege berençel, boz mäydanı tağın da keçeräyergä mömkin.