Djeyms Bond pistoletların urlağannar

Angliya poliŝiyase Djeyms Bond fil’mnarında qullanılğan häm mart ayında urlanğan qorallarnı tabu öçen xalıqtan yärdäm soradı.

London poliŝiyase yasağan açıqlawda 23 mart könne barlıqqa kilgän waqıyğada fil’mda qullanılğan 5 pistoletnıñ urlanuı xäterlätelde.

Marka häm seriya nomerları äytelgän pistoletlarnıñ “Başqa könne ül”, “Ber cinayät’kä qaraş” häm “Yäşär öçen üter” fil’mnarında qullanıluı belderelde.

Qorallardan berse aprel’ ayında Essex şähärendäge ber poyezd stanŝiyase yanında tabılğan läkin qalğan 4 qoralnı êzläw êşçänlekläre haman da däwam itä.

Tikşerü törke başındağı detektiv Pol’ Ridley qorallarnıñ tiñsez buluına iğtibarnı cälep itep tübändägeçä citkerde: “Mäsälän Magnum krom belän qaplawlı dön’yadağı berdänber pistolet. Walther PPK - “Ber cinayät’kä qaraş” fil’mendä Rodjer Mur Äyfäl manarasınnan paraşyut belän töşkän Greys Djons belän bergä uynağan säxnädä qullanğan soñğı qoral ide.”

Xalıqtan qorallarnıñ tabıluı öçen yärdäm sorağan Ridley: “Şöbhäle keşelärne kürgän, utlı qorallarnıñ xäzerge waqıtta qayda buluın belgän yäisä bu qorallar üzlärenä täqdim itelgän keşelärne tikşerü törkememä mäğlümat birergä çaqıram,” – dide.