"Bu pandemiyäne kiläse yılda beteräbez"

Könbatış illärendä koronavirus belän bäyle soñğı wäzğıyät'

1495014
"Bu pandemiyäne kiläse yılda beteräbez"

Koronavirus arqasında dön’yada ğomere özelüçelär sanı 969 meñ 370 buldı. Yoqtıru oçraqları 31 million 490 meñ 315, sawığuçılar sanı isä 23 million 119 meñnän arttı.

Kizüneñ märkäze xälendäge AQŞta Kovid-19dan ülüçelärneñ sanı 204 meñ 506 buldı. Virus yoqtıruçılar – 7 million 46 meñnän artıq. İlbaşı Donal’d Tramp koronavirus belän köräşneñ däwam itüen assızıqlap: “Bıyıl axırında yäisä tağın da irtäräk iskitkeç vakśinabız bulaçaq. Bu pandemiyäne kiläse yılda beteräbez,”-dide.

Braziliyädä tağın 455 keşeneñ ğomere özelgännän soñ virus belän bäyle ülem sanı 137 meñ 350gä citte. Yoqtıru oçraqları isä 15 meñ 821gä arttı häm 4 million 560 meñnän kübräk buldı.

Meksikada soñğı 24 säğat’tä Kovid-19dan ülüçelär sanı 204kä arttı häm 73 meñ 697 keşe täşkil itte. Yoqtıru oçraqları 2 meñ 917gä kübäyde häm 700 meñ 580 bularaq terkälde.

Kizüdä Awrupada in küp ülem kürelgän Angliyädä yuğaltular 41 meñ 788 buldı. İldäge yoqtıru oçraqları sanı – 398 meñ 625.

İspaniyädä Kovid-19dan soñğı 1 atnada 311 keşeneñ ğomere özelde. Şulay itep, ülüçelär sanı 30 meñ 663kä citte. Sälamätlek saqlaw ministrlığı soñğı 3 köndä 31 meñ 428 yaña oçraq terkälüen, yoqtıruçılar sanınıñ 671 meñ 468gä citüen belderde. İspaniyädä kizü küp kürenüçe 77 muniśipalitetta irekle çığıp yörügä çikläwlär kertelde, restoran häm barlarda tulılıq däräcäse 50%qa töşerelde, park häm baqçalar yabıldı. Kataloniyä avtonom xökümäte başlığı Kim Torra katalanlarğa  Kovid-19 oçraqları küp bulğan başqala Madridqa barmasqa kiñäş itte.  

Portugaliyä sälamätlek saqlaw ministrlığı Kovid-19 säbäple ildä soñğı täwlektä 8 keşeneñ ülüen häm 623 yaña yoqtıru oçrağı terkälüen citkerde. İldä koronavirus arqasında barlığı 1920 keşeneñ ğomere özelde. Älege çirne 69 meñ 200 keşe êläkterde.



Bäyläneşle xäbärlär