Abbas AQŞ belän söyläşergä telämi

Fälästin däwläte başlığı Mäxmüt Abbas AQŞ idaräse belän söyläşügä êtärü öçen ğaräp illäre häm xalıqara cämäğat’çelektän kilgän basımnarğa buysınmıy. Bu xaqta Fätix xäräkäte citäkçese urınbasarı Mäxmüt äl-Alul belderde. Ul Fälästin räsmi televideniyesenä interv’yu birde. Anda Alul bolay dip söyläde.

“Däwlät başlığı Abbas AQŞ idaräse belän söyläşü häm İzrail kiskän tamğaxanä salımnarın alu öçen ğaräp qardäşlärdän häm xalıqara cämäğat’çelektän moña qadär kürelmägän basımğa duçar buldı. Ämma ul monı qabul itmi. Bu êtapta Fälästin qıyınlıqlarğa qarşı torunı saylıy. Alarnıñ Fälästin däğ’wasın yuqqa çığarırğa teläwen härkem yaxşı belä. Fälästin idaräse İzrail belän koordinaśiyäne tuqtatudan aldağı xälgä berwaqıtta da kire qaytmayaçaq”.

Mäxmüt Abbas Könbatış Yordan üzänlege cirlärendäge qayber töbäklärne annekśiyäläw qararınnan soñ, 19nçı mayda İzrail häm AQŞ belän imzalanğan barlıq kileşü häm protokollardan çığuın iğ’lan itte.