Süriyädä 857 sälamätlek saqlaw personalı üterelde

Bu xaqta Süriyä Keşe xoquqların yaqlaw çeltäre belderde

1492692
Süriyädä 857 sälamätlek saqlaw personalı üterelde

Süriyä Keşe xoquqların yaqlaw çeltäre Süriyädäge watandaşlar suğışında 857 sälamätlek saqlaw personalınıñ üterelüen citkerde.

Alardan 652eseneñ ğomeren Beşar Äsäd rejimı köçläre özde.

Süriyä Keşe xoquqların yaqlaw çeltäre watandaşlar suğışı başlanğan 2011 yılnıñ mart ayınnan bügengä qadär yaqtı dön’yadan kitkän häm urlanğan sälamätlek saqlaw xezmätkärläre belän bäyle xisap açıqladı.

Xisapqa kürä älege çorda sälamätlek saqlaw ölkäsendä êşläwçe 857 keşe üterelde.

Äsäd rejimı häm İran xuplawındağı çit il terrorçı törkemnärennän toruçı rejim köçläre 652 sälamätlek saqlaw personalın üterde. Rus köçläre höcümnärendä sälamätlek saqlaw ölkäsendä êşläwçe 69 keşeneñ ğomere özelde.

DEAŞ terror oyışması 36, DEAŞka qarşı xalıqara koaliŝiya köçläre 13, Süriyä demokratik köçläre isemen qullanuçı YPG/PKK separatist terror oyışması 6, qalğan qorallı törkemnär 81 sälamätlek saqlaw xezmätkären üterde.



Bäyläneşle xäbärlär