Berse-avtobus, ikençese avtomobil' zurlığında
Cir yanınnan ike kük ciseme uzıp kitte
1492195
Berse avtobus, ikençese avtomobil’ zurlığındağı ike meteorit Cirneñ yanınnan uzıp kitte. Älege waqıyğa uzğan tönne bula. NASAnıñ Cirgä iñ yaqın kük cisemnären tikşerü üzägennän yasalğan belderügä qarağanda, "2020 RF3" häm "2020 RD4" iseme birelgän ike meteorit ike säğat’ ara belän uza.
Kük cisemnäreneñ avtobus zurlığında bulğanı planetabızğa 94 meñ, avtomobil’ qadäre isä 106 meñ çaqrımğa yaqınlaşa.
Här yıl sayın Mars belän Yupiter arasındağı Asteroidlar baş bilbawınnan häm Neptunnıñ ar’yağındağı Kuipir quşağınnan qupqan bik küp kük taşı Qoyaş sistemasınıñ êçenä taba suırıla. Qayberläre Cir orbitasına qadär kilä.