Küktän üle qoşlar yawdı...

AQŞta bu waqıyğanıñ säbäben tikşerälär

1491870
Küktän üle qoşlar yawdı...

AQŞnıñ N’yu-Meksiko ştatında qurqu fil’mnarında ğına bula ala torğan şaqqattırğıç waqıyğa küzätelde. Küktän meñnärçä üle qoş cirgä qoyıldı.

Açıqlanğança, alar migraśiyä waqıtında hälaq bulğan.

Ştatnıñ törle rayonnarınnan kilgän xäbärlärdän soñ wäqalätlelär tikşerü êşçänlegen başladı. Qoşlarğa analizlar ütkärelde. Ämma alarnıñ ülem säbäbe älegä tögäl açıqlanmadı.  

Şulay da, biologlar Kaliforniya häm başqa könbatış töbäklärdä baruçı urman yanğınnarınıñ qoşlarnıñ ülüenä kiterä aluın farazlıy. Ut alarnı irtä yulğa quzğalırğa mäcbür itkän, ä bu küçeş öçen xäzerlänmägän gäwdäläre çıdıy almağan bulırğa mömkin.  

Tağın ber faraz: qoşlarnıñ yanğınnan çıqqan toksinnarğa duçar buluı.

Biologlar isä N’yu-Meksikoda kisäk kenä bärgän suıqlarnıñ böcäklärne üterüen häm qoşlarnıñ aç qalıp hälaq buluın da ber mömkinlek bularaq qarıy.



Bäyläneşle xäbärlär