Djonson ulın yäşeren räweştä çuqındırdı

Angliyä xökümäte räiseneñ älege ğamäle il xalqında rizasızlıq uyattı

1490700
Djonson ulın yäşeren räweştä çuqındırdı

Angliya xökümäte räise Boris Djonson häm söyeklese Kêrri Saymondsnıñ atna axırında çirkäwdä yäşeren räweştä ulları Uilfridnı çuqındıru yolası ütkärüläre bilgele buldı. Bu xäl il xalqınıñ rizasızlığına kiterde. Çönki Böyekbritaniyädä Kovid-19 oçraqları artu säbäple tuy, dini tantanalar şikelle çaralarğa çikläwlär kertelde.

Cirle matbuğat çaraları yazğança, çuqındıruda ğailäneñ yaqınnarı häm  dusları da qatnaşqan. Bu xaqta Xökümät binasınnan bernindi belderü yasalmawı da assızıqlana.

Angliya mediası Djonsonnıñ çuqındıru tantanasında qatnaşuınnan soñ küp kenä watandaşnıñ rizasızlıq kürsätüen dä yaza. Alarnı çikläwlär waqıtında xökümät räiseneñ mondıy çara oyıştıruı aptıraşta qaldıra.

Tantanada qatnaşqan beräw isä jurnalistlarğa bolay dip beldergän: “Boris häm Kêrrinıñ bıyıl kürgännärennän soñ Uilfridnı çuqındıruı bik dulqınlandırğıç mizgel ide. Monı alar bik az keşe belän urtaqlaştı. Tantana ğadi häm matur ide. Bu bik şäxsi mizgellär, şuña kürä fotolarnı kürsätergä planlaştırmıylar”.

Boris Djonson belän Kêrri Saymondsnıñ bäbiläre 29nçı aprel’dä tuğan ide.



Bäyläneşle xäbärlär