"Bu soñğı kizü tügel"

Bu xaqta Tedros Adxanom Gebreyesus belderde

1490783
"Bu soñğı kizü tügel"

Bötendön’ya sälamätlek saqlaw oyışması ğomüm mödire Dr. Tedros Adxanom Gebreyesus koronavirusnıñ soñğı kizü bulmayaçağın äytep: “Äzer bulırğa tiyeş bez. Bu qurqıtu tügel, çara kürergä çaqıru,” – dide.

Gebreyesus “Kovid-19 kizüen küzätü xisabı” açıqlanğan çarada çığış yasadı.

Kizüneñ dön’yanıñ şaqtıy ilendä sälamätlek saqlaw sistemaların, iqtisadlar häm cämğıyät’lärne tar-mar itüen assızıqlağan Tedros Gebreyesus koronavirusnıñ şaqtıy keşeneñ ğomeren özüenä iğtibarnı cälep itte.

“Aldınğı sälamätlek saqlaw sistemaları häm köçle iqtisadları bulğan illär dä awır xäldä, läkin SARS, MERS, H1N1, êbola häm başqa kizülärdän sabaq alğan illär Kovid-19ğa qarşı tora aldı. Bu soñğı kizü tügel, kiläçäktäge êpidemiyalärne buldırmaw öçen döres säyäsi häm finans investiŝiyalär kertergä kiräk,” – dide ul.

Gebreyesus keşelek çara kürmägän här könneñ yaña xastalıq, klimat üzgäreşe yäisä tabiğıy afätneñ xäbärçese buluın citkerde.



Bäyläneşle xäbärlär