Afrinda terrorçılıq höcüme

Süriyäneñ tön’yağında, oppoziśiyä kontrolendäge Afrin rayonında bombalı texnika belän terrorçılıq höcüme oyıştırıldı. Anda, berençel mäğ’lümatlarğa qarağanda, 9 keşe ülde, 43e yaralandı.

Törkiyä qorallı köçläreneñ “Zäytün botağı” xäräkäte belän terrorçılardan çistartılğan Afrinda ber furgonlı maşinağa bomba quyıp qaldıralar. Ul şartlıy.

İminlek çığanaqları bombalı ğamällärne üzläre quılğan cirleklärdä separatist terrorçı oyışma YPG/PKK başqaruın, ämma tınıç xalıq zarar kürgängä, monıñ öçen cawaplılıqnı öslärenä almawların belderde.

Alar Törkiyä belän Rusiyä arasında 2019 nçı yılnıñ 22nçe oktyabrendä tözelgän kileşü nigezendä çığuları kiräk bulğan Tel Rıfat rayonınnan yış qına Bab, Azäz, Djerablus häm Afrın cirleklärendä terrorçılıq aktları oyıştıra.