Qırğıy tormış qurqınıç astında

Qırğıy tormış populyaŝiyase soñğı 46 yılda bik tübänäyde

1488503
Qırğıy tormış qurqınıç astında

Bötendön’ya tabiğat’ne saqlaw waqıfı dön’yada qırğıy tormış populyaŝiyaseneñ soñğı 46 yılda urtaça 68%ka tübänäyüen belderde.

Oyışmanıñ “Yäşäwçe planeta 2020” isemle xisabında 1970-2016 yıllarda 4 meñ 392 imezüçe, qoş, balıq, söyrälüçe häm amfibiya töre sanında küzätelgän tübänayü bäyälände.

Xisapqa kürä bu törlärneñ populyaŝiyaläre soñğı 46 yılda urtaça 68%ka, sannarı 1970tän bügengä qadär här yıl urtaça 4%ka azaydı.

Monıñ qotoçqıç däräcädäge tübänäyü buluına işarät itelde.

Qırğıy tormış populyaŝiyasendäge tübänäyüdän iñ küp täêsirlängän töbäklär Latin Amerika häm Karib utrawlarında bu külämneñ urtaça 94% buluı citkerelde.

Xisapta keşelärneñ tabiğat’kä monnan alda kürelmägän däräcädä zıyan saluı urın ala.

Xisaptan kürengänçä 21nçe ğasır tormış räweşe öçen dön’ya biosıydırışlılığınıñ 56%ı kirägennän artıq qullanıla.

Bötendön’ya tabiğat’ne saqlaw waqıfınıñ Angliyadäge yuğarı citäkçese Tanya Stil: “Öyebez bulğan dön’yanı üz qullarıbız belän yuq itäbez. Tabiğat’ bezne yärdämgä çaqıra. Waqıt azaya bara,” – dide.



Bäyläneşle xäbärlär