Tramp - Nobel' bülägenä kandidat

AQŞ ilbaşı küptän xıyallanğan premiyäne alırmı?

1487707
Tramp - Nobel' bülägenä kandidat

AQŞ ilbaşı Donal’d Trampnı, İzrail belän Berläşkän Ğaräp ämirlekläre arasındağı “tarixi solıx kileşüe”nä kertkän öleşe säbäple, Nobel’ tınıçlıq bülägenä kandidat itep kürsätkännär. Bu xaqta “Fox News” xäbär itä.  

Kandidatlıqnı Norvegiyä parlamentı äğ’zası Kristian Taybring Djedde täq’dim itte. Ul dön’ya külämendäge ozaqqa suzılğan bäreleşlärne çişü tırışlıqları öçen Trampnı maqtadı.

AQŞ ilbaşı, döresen genä äytkändä, älege premiyä turında xıyallana ide. Ber mitingta ul 2019nçı yıl Nobel’ tınıçlıq bülägen üzeneñ alırğa tiyeşlegen belderde. Tramp bolay dip söyläde: “Sezgä Nobel’ tınıçlıq büläge xaqında ber närsä äytäm. Ber kileşü tözedem häm ber ilne qotqardım. Şunnan soñ ni işetäm – Nobel’ tınıçlıq bülägen ul däwlätneñ başında toruçığa birgännär (Monda süz Êfiopiyä xökümäte räise Abiy Äxmät Ali turında bara). Min äytäm: närsä? Monı min êşlämädemme? Zur ber suğışqa kirtä buldım. Berniçäsen buldırmıy qaldım”.



Bäyläneşle xäbärlär