"Böyek Amerika” barlıq tırışlığın “Böyek İzrail” xıyalın tormışqa aşıru öçen tügä”

Trampnıñ ğaräp däwlätlären İzrail belän duslaşırğa mäcbür itüen belderälär

1485045
"Böyek Amerika” barlıq tırışlığın “Böyek İzrail” xıyalın tormışqa aşıru öçen tügä”

AQŞ ilbaşı Donal’d Tramp idaräseneñ basıp aluçı İzrail belän solıx kileşüe imzalatu öçen ğaräp däwlätlärenä basım yasawın belderälär. Bu xaqta Bötendön’ya möselman ğalimnär berlege ğomum särqatibe Ali äl-Karadaği söyläde. Ul Facebook bitendä urnaştırğan yazmasında İzrail belän AQŞ mönäsäbätläreneñ başınnan birle strategik buluın, ämma Tramp idaräseneñ barlıq tırışlığın İzrail öçen quyuın, Fälästin cirläreneñ qalğanın da Tel-Avivqa birergä mataşuın äytä. Karadaği AQŞnıñ “Ğasır kileşüe” planın xäzerläwe, Qudüsne okkupant däwlätneñ başqalası bularaq tanuı häm annekśiyä planın raslawınıñ älege tırışlıqlarnıñ ber öleşe buluın citkerä.

Ğalim bolarnıñ xalıqara xoquq, fälästinlelär, ğaräplär häm möselmannarnıñ xaqların sanğa suqmıyça başqarıluına iğ’tibarnı cälep itä. “Tramp çorındağı “Böyek Amerika” barlıq tırışlığın “Böyek İzrail” xıyalın tormışqa aşıru öçen tügä,”-dip yaza ul.

AQŞ ilbaşı Donal’d Tramp 13nçe avgustta İzrail belän Berläşkän Ğaräp Ämirlekläreneñ mönäsäbätlären tulısınça normal’läşterü öçen kileşülären xäbär itte. Ul 1979da şundıy uq adım yasağan Misır häm 1994tä aña quşılğan Yordaniyä artınnan öçençe buldı.

AQŞ ilbaşı Donal’d Trampnıñ kiyäwe häm kiñäşçese Djared Kuşner 1nçe sentyabr’dä yasağan belderüendä Berläşkän Ğaräp Ämirleklärennän soñ tizdän tağın ber ğaräp däwläteneñ İzrail belän kileşü imzalayaçağın äytte.



Bäyläneşle xäbärlär