Şinzo Abe wazıyfasınnan kitte
Ul sälamätlegeneñ bik naçarlanuın häm terelügä ömete bulmawın belderde
Yaponiyädä xökümät räise Şinzo Abe, sälamätlegendäge problemalar säbäple, 2012nçe yıldan birle alıp barğan xökümät räise wazıyfasınnan kitüen belderde. Ul matbuğat cıyılışı uzdırdı häm anda bolay dide: “Sälamätlegem aprel’ ayı axırlarında naçarlana başladı. Ähämiyätle säyäsi qararlarnıñ xastalıq arqasında yalğış näticä kiterüen telämim”. Abe soñğı sälamätlek kontrolendä çireneñ qabat baş kütärüen kürgän. “Xastalığımnıñ çigenäçäge belän bäyle bernindi garantiyä yuq. Parlament açılır kön yaqınlaşa. Wazıyfadan kitü öçen iñ yaxşı waqıt buluın uylıym,”-dide xökümät räise.
Cirle matbuğattağı xäbärlär iyül’ ayında Şinzo Abenıñ xökümät räise rezidenśiyäsendä qan qosuı turında yazdı.
Kyodo agentlığı beldergänçä, 65 yäş’lek prem’yer yılda ike tapqır daimi tikşerenü uza. Ay başınnan birle ul bik küp mediśina kontrole uzğan.
Bilgele bulğança, Abe berençe tapqır xökümät räise bularaq 2006nçı yılda bilgelängän ide, ämma 2007nçe yılda ul eçäk yalqınsınuı säbäple wazıyfasınnan kitte. Abe soñınnan däwalanu näticäsendä çiren ciñüen belderde.
Ul 2012nçe yılda qabat xökümät başına quyıldı.
Abe Yaponiyäneñ özleksez räweştä iñ ozaq waqıt wazıyfada qalğan xökümät räise. Ul 7 yıl 8 ay buyı il belän idarä itte.
Bäyläneşle xäbärlär
"İzrailneñ Ğazzägä yärdämnärne totqarlawı - suğış cinayäte"
Bu xaqta BMOnıñ Keşe xoquqları yuğarı komissarı Volker Türk belderde
Amerika BMO xisabın oşatmadı
AQŞ İzrailneñ genośid başqaruın açıqlawçı xisapnıñ antisemit xarakterda buluın alğa sörde