37 yıl törmädä utırğannan soñ aqlandı

AQŞta ber mäxkümneñ DNK testı yärdämendä ğayepsez buluın açıqlıylar

1480324
37 yıl törmädä utırğannan soñ aqlandı

AQŞnıñ Florida ştatında köçläw häm üterüdä ğayeplänep 37 yıl törmädä utırğan ber mäxkümneñ DNK testları näticäsendä ğayepsez buluı açıqlandı. Xillsboro prokurorı Êndryu Uorren jurnalistlarğa beldergänçä, 1983nçe yılda 19 yäş’lek Barbara Grêmsnıñ köçlänep üterelüe belän bäyle êş qabat östäldä. Yalğış ğayepläw arqasında 37 yılın törmädä kiçergän Robert Dyubuaz aqlanğan. Räşätkä artına kergändä äle ul yäş’ yeget bula. Xäzer 55 yäşendä.

Prokuror yuğalğan dip uylanğan dälillärneñ tabıluın häm Dyubuaznıñ 1983nçe yılda cinäyat’ne êşlämäwen isbatlawın söyli. N’yu-Yorknıñ “Ğayepsezlek proyektı” qısalarında alıp barılğan êşçänlek 11 ay däwam itkän. DNK ürnäklären qabat tikşerü näticäsendä çınbarlıq bilgele bula. Prokuror Uorren Twitterdağı akkauntında bolay dip yaza: “2016nçı yılda şikle ğayepläwlärne tikşerü öçen Xökem qararların qabat qarap çığu bülege oyıştıraçağımnı ışandırğan idem. Bügen êşlämägän cinayät’tä ğayeplänep 37 yıl törmädä utırğan ber keşene aqlaw prośessın başladıq häm çın üterüçeneñ êzenä töşäbez”.

Robert Dyubuaznı 1983nçe yılda başta ülem cäzasına xökem itkän bulğannar, ämma sud’ya anı soñınnan ğomerlek törmä belän almaştıra.  



Bäyläneşle xäbärlär