Cir radioaktiv bolıt êçennän uza

Anıñ qayçan tögällänäçäge bilgesez

1479615
Cir radioaktiv bolıt êçennän uza

Cir zur radioaktiv bolıtnıñ êçennän uza. Ul şartlağan yoldıznıñ artınnan qalğan. Häm bu şulay soñğı 33 meñ yıl buyı däwam itä.

“ScienceAlert”nıñ xäbärenä qarağanda, açış Avstraliya milli universitetı tikşerenüläre näticäsendä yasala.

Ğalimnär ike ayırım cirlektän 33 meñ yıllıq tirän diñgez töbe utırmaların analizlıy. Alarda timer -60 izopotınıñ ap-açıq êzläre kürenä.

Tikşerenü soñğı 33 meñ yıl buyı Cirgä ütä yaña yoldızda barlıqqa kilgän häm siräk oçrawçı bu izotopnıñ “orlıqların çäçüen” kürsätä.

Timer-60 izotopınıñ yoldızlar şartlağanda barlıqqa kilüen uylıylar. Ul radioaktiv häm 15 million yıl êçendä tulısınça tarqala.

Astronomnar berniçä yıl êlek tä Cirneñ äylänä-tiräsendä ğalämdä timer-60 izotopınıñ tabıluın beldergän ide.



Bäyläneşle xäbärlär